នាព្រឹកថ្ងៃទី១៤ ខែកុម្ភៈ ឆ្នាំ២០២២ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាពក្នុងកិច្ចប្រជុំដើម្បីត្រៀមទទួលគណៈប្រតិភូបេសកកម្មសុច្ឆន្ទៈ នៃគណៈកម្មការនយោបាយ Parliamentary Assembly of the Francophonie (APF) ដែលនឹងមកបំពេញទស្សនកិច្ចនៅព្រះរាជាណាចក្រកម្ពុជា ក្នុងអំឡុងសប្តាហ៍ទី៣ ខែមីនា ឆ្នាំ២០២២។
កិច្ចប្រជុំនេះមានការអញ្ជើញចូលរួមពីឯកឧត្តមអគ្គនាយក ឯកឧត្តមអគ្គនាយករង នៃអគ្គនាយដ្ឋានពិធីការ និងទំនាក់ទំនងអន្តរជាតិ និងមន្រ្តីលេខាធិការដ្ឋាន នៃក្រុមសភាជាតិ APF នៃព្រឹទ្ធសភា នៅសាលប្រជុំពិសេសកណ្តាល វិមានព្រឹទ្ធសភា។

ប្រភព៖នាយកដ្ឋានព័ត៌មាន